Ish-deputeti i Lidhjes Demokratike të Kosovës (LDK), Paris Guri, ka shprehur shqetësim rreth vendimit të presidentes Vjosa Osmani për të caktuar zgjedhjet e jashtëzakonshme parlamentare më 28 dhjetor.
Ai e konsideron këtë vendim të vonuar dhe të motivuar nga kalkulime politike të Lëvizjes Vetëvendosje (LVV) në bashkëpunim me presidenten. Guri, gjatë një interviste në TV Dukagjini, theksoi se shpërbërja e Kuvendit ishte një hap pozitiv, por vuri në dukje se Kosova humbi 15 ditë të vlefshme për shkak të tentativës për ta zgjedhur Glauk Konjufcën kryeministër.
Ai shtoi se kjo tentativë ishte pjesë e marrëveshjes mes Osmanit dhe LVV-së, me qëllim që zgjedhjet të mbaheshin më 28 dhjetor. Pavarësisht kritikave, Guri deklaroi se LDK nuk e sheh këtë datë si një sfidë dhe është optimiste për rezultatin, duke përmendur sukseset e mëparshme në zgjedhje.
Në fund, ai kritikoi pritshmëritë e LVV-së ndaj diasporës, duke theksuar se qytetarët e diasporës janë të mirëinformuar për situatën ekonomike në Kosovë dhe ndikimin e saj në familjet e tyre.
Leave a Reply