Hajrulla Çeku inaguron zyrën e Vetëvendosjes në Arbëri

Hajrulla Çeku, kandidati i Lëvizjes Vetëvendosje për kryetar të Prishtinës, ka inauguruar zyrën e tij të re në lagjen Arbëria.

Kjo hapësirë do të shërbejë si pikë takimi për banorët që dëshirojnë të diskutojnë, të ndajnë ide dhe të kontribuojnë në fushatën e tij për zgjedhje. Çeku e përshkroi Arbërinë si një zonë me potencial të madh dhe përkushtim për ndryshim.

Ai theksoi se zyra e re do të jetë e hapur për të gjithë qytetarët që kërkojnë të informohen më shumë rreth platformës së tij politike dhe vizionit për Prishtinën deri në vitin 2035. Sipas tij, kjo nismë synon të përfshijë sa më shumë qytetarë në diskutime dhe organizime drejt fitores.

Në mesazhin e tij, Çeku ftoi të gjithë të interesuarit të vizitojnë zyrën për të marrë pjesë aktivisht në procesin e ndryshimit që ai synon të sjellë në kryeqytet.