Haki Abazi akuzon Adelina Ismailin për financim nga Kurti

Haki Abazi, i cili së fundmi është larguar nga Vetëvendosje, ka bërë akuza ndaj ish-partisë së tij për ndërhyrje në zgjedhjet lokale.

Sipas tij, Adelina Ismaili, këngëtare e njohur, ka përfituar mijëra euro nga Hajrulla Çeku, kandidati i Vetëvendosjes për Prishtinën. Abazi theksoi se politika po përdoret për manipulim dhe orientim të votës.

Ai vuri në dukje se Çeku, i cili më parë ka qenë ministër në qeverinë Kurti dhe ka origjinë nga Prizreni, po garon për kryetar të Prishtinës. Abazi pretendon se kjo bëhet për të kapitalizuar në orkestrimin dhe shpenzimin e buxhetit të Ministrisë së Kulturës pa kontroll.

Ai shtoi se Ismaili, duke përfituar subvencione nga Ministria e Kulturës, ka ndikuar në favor të Çekut gjatë natës së fundit parazgjedhore. Abazi e pranoi që kjo mund të mos jetë jashtë rregullave, por vuri në pikëpyetje lidhjen e votuesve me programin dhe cilësinë e kandidatit.