Bedri Hamza, kryetari i Partisë Demokratike të Kosovës dhe kandidati për Kryeministër, ka vizituar Gjakovën për të takuar përfaqësues të sektorit privat dhe punëtorë të bizneseve lokale.
Hamza ka theksuar rëndësinë e madhe që bizneset vendase kanë për zhvillimin ekonomik të vendit dhe ka premtuar mbështetje të plotë për to. Gjatë kësaj vizite, ai ka deklaruar se si Kryeministër do të jetë një partner dhe aleat i fuqishëm për sektorin privat, duke ofruar investime, grante dhe mbështetje institucionale për përmirësimin e kushteve të punës dhe rritjen e pagave.
Hamza ka premtuar ndryshime në ligjin për rritjen e tatimit në pronë për objektet afariste, një vendim i qeverisë aktuale që ai synon ta rishikojë për të lehtësuar barrën financiare mbi bizneset. Gjithashtu, ai ka njoftuar se synon të heqë TVSH-në për energjinë elektrike, me qëllim uljen e faturave për qytetarët dhe bizneset.
Hamza ka nisur një tur nëpër qytetet e Kosovës, për të diskutuar drejtpërdrejt me qytetarët dhe për të paraqitur programin e tij për zhvillim ekonomik dhe mirëqenie.
Leave a Reply