Në Ditën e Veteranit, kryetari i Partisë Demokratike të Kosovës, Bedri Hamza, shprehu mirënjohjen e tij për luftëtarët që kontribuan në çlirimin e Kosovës.
Hamza, përmes një mesazhi në Facebook, vlerësoi sakrificën e dëshmorëve dhe veteranëve të UÇK-së, duke theksuar se ata meritojnë nderim të përhershëm për plagët e marra, netët e kaluara në roje dhe jetët e flijuara për liri. “Kosova është e lirë, sepse ju nuk u dorëzuat,” deklaroi Hamza, duke falënderuar familjet e dëshmorëve, invalidët dhe veteranët për kontributin e tyre jetësor.
Ai shtoi se dita e tyre është gjithmonë një rast për të kujtuar lavdinë e atyre që ranë për lirinë e Kosovës. Në këtë ditë të veçantë, Hamza përmbylli me urimet e tij për të gjithë veteranët, duke kujtuar heroizmin dhe përkushtimin e tyre të pashoq.
Leave a Reply