Ramush Haradinaj, kreu i Aleancës për Ardhmërinë e Kosovës (AAK), ka shprehur shqetësim lidhur me gjendjen aktuale politike dhe ekonomike në Kosovë pas një takimi të kryesisë së partisë.
Haradinaj veçoi vonesat në miratimin e buxhetit dhe problemet me pagat e punëtorëve, duke përfshirë ata të Radiotelevizionit të Kosovës, si çështje që po vështirësojnë jetën e qytetarëve. Haradinaj vijoi duke kritikuar qasjen e Qeverisë Kurti, të cilën e akuzoi për pengimin dhe zvarritjen e proceseve në vend.
Ai shprehu bindjen se zgjidhja e këtyre sfidave qëndron në organizimin e zgjedhjeve të reja parlamentare, për të cilat AAK ka nisur përgatitjet. Kjo deklaratë e AAK-së vjen në një kohë kur vonesat në miratimin e buxhetit dhe mospagimi i punëtorëve në sektorin publik kanë shqetësuar opinionin publik në Kosovë.
Haradinaj theksoi rëndësinë e ndërmarrjes së veprimeve konkrete për të dalë nga kjo situatë problematike.
Leave a Reply