Ramush Haradinaj, kryetari i Aleancës për Ardhmërinë e Kosovës, ka bërë të ditur se partia e tij ka arritur një rezultat të rëndësishëm në zgjedhjet e fundit.
Ndërsa numri i përgjithshëm i asamblistëve të zgjedhur ka tejkaluar 100, Aleanca ka arritur fitore pa balotazh në Deçan. Haradinaj deklaroi se pas numërimit të votave me kusht dhe atyre nga diaspora, priten fitore edhe në raundin e parë në komunat e Gjakovës, Suharekës dhe Klinës.
Në Rahovec, Aleanca është shpallur fituese me diferencë të madhe, ndërsa në Junik përgatitet për raundin e dytë me synimin për fitore. Gjithashtu, Haradinaj theksoi se në pesë komuna Aleanca kryeson me numrin më të madh të asamblistëve në kuvendet komunale.
Në mbledhjen e sotme u diskutua edhe për procesin e krijimit të institucioneve qendrore, ku Aleanca synon të marrë qëndrime të qarta dhe të përgjegjshme për të mirën e vendit.
Leave a Reply