Haziri, pas lirimit të tij, ndau përjetimet në prani të familjes dhe miqve, duke e përshkruar këtë periudhë si tejet sfiduese.
Ai shprehu falënderime të sinqerta për mbështetjen e marrë gjatë kësaj kohe nga të afërmit dhe Zyrën Ndërlidhëse të Republikës së Kosovës në Beograd. Ai tregoi se përvoja e gjeneratës së tij, e cila nga vitet ’60 deri në vitin 2000 ka vuajtur në burgjet serbe në kushte të vështira, i ka dhënë forcë për të përballuar situatën aktuale.
Gjatë qëndrimit të tij në burg, i ishte thënë se do të vazhdonte të mbahej për shkak të disa pretendimeve lidhur me një telefon dhe një ekspertizë. Megjithatë, Haziri u informua papritur për lirimin e tij, gjë që fillimisht i duket e pabesueshme.
Kjo situatë e papritur e ka lehtësuar atë, ndërsa e ndan këtë moment me ata që i qëndruan pranë.
Leave a Reply