Policia e Kosovës, në bashkëpunim me Prokurorinë e Prishtinës, ka ndërmarrë një aksion ndaj katër individëve për dyshime mbi veprat penale të keqpërdorimit të detyrës zyrtare dhe pranimit të ryshfetit në sektorin privat.
Sipas zëdhënëses së Prokurorisë, Kaltrina Shala, hetimet po zhvillohen mbi bazën e neneve përkatëse të Kodit Penal të Kosovës. Personat e dyshuar për keqpërdorim të detyrës janë identifikuar si B.H dhe S.B, të cilët janë zyrtarë në Departamentin e Armëve pranë Ministrisë së Punëve të Brendshme.
Ndërkohë, një bastisje po kryhet edhe në kompaninë e armëve “Reload”, ku dy persona të tjerë janë nën hetim për marrje ryshfeti. Kompania “Reload” ka refuzuar të komentojë mbi rastin, duke deklaruar se nuk ka lidhje me ngjarjen.
Hetimet janë ende në proces, dhe autoritetet pritet të japin më shumë informacion në vijim.
Leave a Reply