Christopher Hill, një ish-diplomat i njohur amerikan dhe negociator i rëndësishëm në çështjen e Kosovës, ka shpjeguar arsyet e dëshmisë së tij në Hagë për gjyqin ndaj ish-presidentit Hashim Thaçi.
Sipas Hill, dëshmia e tij nuk ishte e diktuar nga faktorë politikë apo profesionalë, por ishte një akt i ndjenjës së përgjegjësisë morale. Ai theksoi se gjatë vizitave të tij në Kosovë nuk kishte gjetur prova që Thaçi kishte urdhëruar apo kryer krime lufte.
Në një intervistë për “Euronews Albania”, Hill tregoi përvojat e tij nga vizitat në zona ku kishin ndodhur krime lufte dhe nënvizoi se nuk kishte parë prova që implikonin Thaçin. Ai shprehu mendimin se UÇK-ja nuk ishte një strukturë e kontrolluar plotësisht nga Thaçi, por përbëhej nga aktorë të pavarur.
Hill theksoi rëndësinë e një gjykimi të bazuar mbi prova dhe jo mbi supozime, duke theksuar se qëndrimi i tij në Hagë ishte për të ndarë përvojën e tij si dëshmitar i ngjarjeve në terren. Ai shtoi se ishte e rëndësishme që gjyqtarët të kuptonin këndvështrimin e tij për rolin e UÇK-së dhe Thaçit gjatë konfliktit në Kosovë.
Leave a Reply