Hysni Gucati: Cali s’mundi të vizitojë babain në fund të jetës

Hysni Gucati, kreu i Organizatës së Veteranëve të Luftës së UÇK-së, ka shprehur ngushëllimet e tij për vdekjen e Jahja Mustafës, babait të Salih Mustafës.

Gucati theksoi se kjo humbje është veçanërisht e rëndë për shkak të mungesës së mundësisë që Cali të vizitonte babain e tij për shkak të mbajtjes së tij nga Gjykata Speciale. Ai shprehu keqardhjen që Salih Mustafa nuk mundi të ishte pranë të atit në momentet e fundit të jetës së tij, duke e cilësuar këtë si një padrejtësi.

Gucati i dërgoi ngushëllimet më të sinqerta familjes Mustafa dhe të gjithë atyre që e njohën Jahja Mustafën. Ai përmbylli mesazhin e tij duke uruar që Jahja të pushojë në paqe.