Një shtetas i Maqedonisë së Veriut u ekstradua sot nga Kosova drejt vendlindjes së tij, në një operacion të realizuar nga Drejtoria për Bashkëpunim Ndërkombëtar Policor në koordinim me njësitë e Policisë së Kosovës dhe institucionet e drejtësisë.
Personi ishte arrestuar më parë nga autoritetet e Kosovës, pasi kërkohej me urdhër arresti ndërkombëtar të lëshuar nga Maqedonia e Veriut. I dyshuari kishte qenë i arratisur nga burgu, ku po vuante dënimin për veprën penale të “Grabitjes”.
Procesi i ekstradimit u zhvillua në përputhje me rregulloret ligjore dhe falë bashkëpunimit të ngushtë ndërmjet autoriteteve të të dyja vendeve, u raportua në njoftimin zyrtar. Ky rast nënvizon rëndësinë e bashkëpunimit ndërinstitucional për të forcuar drejtësinë dhe sigurinë rajonale.
Leave a Reply