Një i ri 19-vjeçar është arrestuar në Prishtinë nën dyshimin e përfshirjes në një grabitje të ndodhur më 10 nëntor të vitit të kaluar.
Ngjarja ka ndodhur në rrugën “Halil Alidemaj”, ku i dyshuari A.Sh. dyshohet të ketë kryer veprën penale.
Sipas policisë, pas arrestimit të tij, prokurori i shtetit ka vendosur që i riu të mbahet në paraburgim deri në hetime të mëtejshme. Ndërkohë, autoritetet janë në kërkim të dy personave të tjerë që mendohet të kenë qenë të përfshirë në të njëjtin rast.
Hetuesit po vazhdojnë punën për të zbardhur plotësisht ngjarjen dhe për të siguruar arrestimin e të gjithë të dyshuarve të përfshirë në këtë çështje.
Leave a Reply