Një incident me armë zjarri ka ndodhur në lagjen Vaganica të Mitrovicës, ku një person ka mbetur i plagosur.
Policia e Kosovës ka arrestuar të dyshuarin për këtë rast, Q. Kurti.
Ngjarja u zhvillua rreth orës 14:00 në rrugën “Ilaz Kodra”, sipas zëdhënësit të policisë për rajonin e Mitrovicës së Jugut, Avni Zahiti. I plagosuri, një burrë 35-vjeçar me inicialet F.H., fillimisht mori ndihmë mjekësore në Spitalin e Mitrovicës për plagën në këmbë, ndërsa më pas u transferua në QKUK për trajtim të mëtejshëm.
Policia veproi me shpejtësi për të identifikuar dhe arrestuar të dyshuarin, ndërsa nga ai u konfiskua një armë zjarri që dyshohet të jetë përdorur në incident. Hetuesit, në bashkëpunim me Prokurorin e çështjes, po vazhdojnë procedurat hetimore për të sqaruar rrethanat e ngjarjes.
Leave a Reply