Njësia Rajonale për Hetimin e Krimeve Ekonomike dhe Korrupsionit në Prishtinë ka siguruar prova që tregojnë se qytetari i huaj M.K., pronar i një kompanie ndërtimi, ishte penguar nga një inspektor i punës, G.B., gjatë realizimit të projekteve ndërtimore.
Inspektori dyshohet se i kërkoi ryshfet prej 2000 eurosh për të mos ndërprerë punimet e tij. Pas një hetimi të detajuar dhe në konsultim të vazhdueshëm me Prokurorin e rastit, policia ka sekuestruar para të marra si ryshfet dhe pajisje të tjera elektronike që i përkisnin të dyshuarit.
Në bazë të këtyre veprimeve, G.B. dyshohet për keqpërdorim të pozitës dhe marrjen e ryshfetit, sipas nenit 414 dhe 421 të Kodit Penal të Republikës së Kosovës.
Më 28 janar 2026, G.B. u intervistua në prani të avokatit dhe pas konsultimit me Prokurorin, ai u mbajt për 48 orë për procedura të mëtejshme ligjore.
Leave a Reply