Në një intervistë për RTK, Lulzim Fushtica, drejtues i Drejtorisë për Siguri dhe Emergjenca në Prishtinë, diskutoi për projektin e ri që synon instalimin e kamerave të sigurisë në kryeqytet.
Ai shpjegoi se ky projekt është bashkëpunim midis Drejtorisë për Siguri dhe Emergjenca dhe Policisë së Kosovës, me financim nga komuna. Fushtica zbardhi se projekti për vendosjen e sistemit të kamerave filloi dy vite më parë dhe deri tani janë instaluar 165 kamera në 54 zona të ndryshme.
Ai përmendi se ky është vetëm hapi i parë i një plani më të gjerë që do të vazhdojë për dy vitet e ardhshme me qëllim mbulimin e tërësishëm të qytetit. Sipas autoriteteve komunale, ky projekt ka për qëllim përmirësimin e sigurisë publike dhe parandalimin e krimeve në Prishtinë.
Drejtoria për Siguri dhe Emergjenca, së bashku me Policinë e Kosovës, janë angazhuar për realizimin e plotë të kësaj nisme.
Leave a Reply