Mbrëmjen e kaluar përfundoi afati për dorëzimin e listave zgjedhore për deputetë, duke bërë që partitë politike të prezantojnë emrat me të cilët synojnë të garojnë në zgjedhjet e ardhshme.
Pas publikimit, vëmendja është përqendruar te përbërja e listave dhe figurat që i kryesojnë. Në dhjetëshen e parë të Lëvizjes Vetëvendosje përfshihen emra si Albin Kurti, Glauk Konjufca dhe Donika Gërvalla-Schwartz, ndër të tjerë.
Në lidhje me këtë listë, Front Online kontaktoi ish-deputetin Fatmir Humolli për mendimin e tij. Humolli theksoi se Vetëvendosje ka krijuar listën që e konsideron më të përshtatshme për elektoratin e saj, duke përdorur strukturën e saj të brendshme.
Megjithatë, ai kritikoi qasjen e partisë në qeverisje, duke pohuar se qytetarët janë ende të bombarduar me gabimet e qeverive të mëparshme. Sipas Humollit, Vetëvendosje nuk ka arritur të ofrojë një program krijues dhe vetëm ka çuar në opozitë qeveritë e kaluara pa dhënë zgjidhje konkrete.
Ai shprehu zhgënjim për dështimin e partisë në këtë legjislaturë, duke argumentuar se VV-ja ka humbur kartën e perspektivës, e cila ishte shpresa kryesore e qytetarëve për ndryshim.
Leave a Reply