Kryetari i Lëvizjes Vetëvendosje, Albin Kurti, nuk arriti të zgjidhet Kryeministër në tentativën e tij të parë, duke marrë vetëm 56 vota.
Pas kësaj, Këshilli i Përgjithshëm i LVV-së propozoi Glauk Konjufcën si kandidatin e ri për këtë post. Presidentja e Kosovës, Vjosa Osmani, i dha atij mandatin për të krijuar qeverinë e re brenda dy javësh.
Sipas Fatmir Humollit, ish-deputet i LVV-së, situata aktuale politike është sfiduese për Konjufcën në sigurimin e votave të nevojshme. Humolli, në një intervistë për “Gazeta Blic”, theksoi se atmosfera aktuale politike e vështirëson mundësinë e Konjufcës për të fituar mbështetjen e mjaftueshme.
Ai gjithashtu sugjeroi se LVV-ja mund të synojë mbajtjen e zgjedhjeve para Vitit të Ri, periudhë kur diaspora rikthehet në Kosovë. Sipas tij, kjo strategji sugjeron që partia mbështetet më shumë te votuesit jashtë vendit sesa te ata që jetojnë në Kosovë.
Leave a Reply