Forcat izraelite kanë zbuluar detaje mbi shënuesit e rinj fizikë të Vijës së Verdhë, ku ato u tërhoqën sipas kushteve të armëpushimit në Rripin e Gazës.
Këto shënues përbëhen nga blloqe betoni 3.5 metra të larta, të ngjyrosura me të verdhë dhe të pajisura me shenja metalike të verdha. Sipas ushtrisë izraelite, këto blloqe do të vendosen në distanca prej rreth 200 metrash nga njëri-tjetri përgjatë kësaj vije.
Procesi i vendosjes së këtyre shënuesve filloi të dielën dhe do të vazhdojë në një periudhë të mëvonshme, sipas raportimeve të gazetës “The Times of Israel”. Vija e Verdhë, e cila është përcaktuar nga ndërmjetësit, përfshin mbi gjysmën e territorit të Rripit të Gazës, saktësisht 53 për qind të tij, kryesisht jashtë zonave urbane.
Leave a Reply