Donika Kadaj-Bujupi, këshilltare e Presidentes Vjosa Osmani, ka reaguar ndaj ish-kryeministrit Avdullah Hoti, i cili ka kritikuar deklaratat e Presidentes për çështjet që priten të shqyrtohen në Kuvendin e Kosovës.
Kadaj-Bujupi e cilësoi Hotin si personin e fundit që mund të flasë për moral politik, duke e akuzuar se gjatë kohës kur ishte kryeministër, ai nënshtrohej para Vuçiqit. Ajo theksoi se Hoti është bërë kryeministër në mënyrë kundërkushtetuese dhe pa vota të tij.
Sipas saj, qytetarët e kanë kuptuar prej kohësh se modeli i tij i politikës është shembull për t’u shmangur. Në lidhje me deklaratat e Presidentes, Kadaj-Bujupi sqaroi se votimi i zgjatjeve buxhetore dhe Planit të Rritjes është në vullnetin e të gjitha partive politike në Kuvend, jo vetëm të njërës.
Ajo sugjeroi që nëse partitë opozitare nuk janë dakord që këto çështje të procedohen nga Qeveria, atëherë të ndërmerren nga Presidentja dhe deputetët, sipas Kushtetutës. Ajo kritikoi Hotin se prioritet i tij është sulmimi i Presidentes, ndërsa theksoi se moskalimi i këtyre vendimeve mund të ketë pasoja të mëdha ekonomike për Kosovën.
Leave a Reply