Deputeti Shaip Kamberi, në bashkëpunim me grupet parlamentare të SDA të Sanxhakut dhe Lëvizjen e Qytetarëve të Lirë, ka dorëzuar në Kuvendin e Serbisë një propozim për anulimin e ligjit që ratifikon marrëveshjen për krijimin e Qendrës Humanitare Serbo-Ruse në Nish.
Sipas Kamberit, pas 13 vitesh funksionimi, kjo qendër nuk ka dëshmuar përfitime për qytetarët serbë dhe ka ngjallur dyshime për angazhime politike dhe sigurie. Kamberi thekson se ka munguar transparenca dhe qartësia rreth financimit të qendrës, ndërsa përpjekjet për t’i dhënë asaj dhe stafit status diplomatik janë shqetësuese.
Investigimet gazetareske sugjerojnë se individë të lidhur me shërbimet ruse të inteligjencës kanë qenë të përfshirë në trajnime për trazira zgjedhore në Moldavi dhe Rumani. Ky propozim synon të sheshojë këto dyshime dhe të përshpejtojë integrimin evropian të Serbisë, pasi qendra është kritikuar nga Komisioni Evropian dhe organizata të tjera të BE-së.
Leave a Reply