Komisioni Qendror i Zgjedhjeve (KQZ) ka përfunduar numërimin e votave për kandidatët për deputetë nga 2,557 kuti votimi.
Në bazë të të dhënave të publikuara, janë identifikuar kandidatët më të votuar nga katër partitë kryesore në vend. Në listën e Lëvizjes Vetëvendosje (LVV), Albin Kurti kryeson me 355,248 vota, i ndjekur nga Glauk Konjufca me 275,664 dhe Albulena Haxhiu me 145,340 vota.
Ndërkohë, Partia Demokratike e Kosovës (PDK) ka Bedri Hamzën si kandidatin më të votuar me 155,244 vota, pasuar nga Arian Tahiri me 68,122 vota. Lidhja Demokratike e Kosovës (LDK) e ka Lumir Abdixhikun në krye me 83,527 vota, ndërsa në Aleancën për Ardhmërinë e Kosovës (AAK), Ramush Haradinaj udhëheq me 41,470 vota.
Këto rezultate pasqyrojnë mbështetjen e qytetarëve për kandidatët e tyre të preferuar në këto zgjedhje.
Leave a Reply