Në Universitetin e Gjilanit “Kadri Zeka”, dy akademikë me mbiemrin Haziri, Blerim dhe Behar, janë përfshirë në një garë për pozitën e asistent profesorit në Fakultetin e Shkencave Sociale, e cila u shpall e hapur në gusht të vitit 2025.
Komisioni vlerësues, i përbërë nga Dukagjin Leka, Shejnaze Gagica dhe Abdullah Azizi, vendosi në favor të Blerim Hazirit, pavarësisht se Behar Haziri kishte 14 vjet përvojë akademike dhe tre punime shkencore. Blerim Haziri kishte vetëm një punim shkencor, ku ishte autor i dytë, ndërsa autori i parë ishte dekani i fakultetit.
Në arsyetimin e komisionit u theksua se përparësi u jepet kandidatëve me përputhje më të madhe me fushën e lëndëve të shpallura, sipas rregullores për avancim akademik. Zgjedhja e Blerim Hazirit ka ngjallur dyshime për ndikime politike, pasi ai kishte qenë kandidat për Asamblenë Komunale të Gjilanit nga Lëvizja Vetëvendosje.
Për më tepër, ai ishte prezantuar si profesor para shpalljes zyrtare të vendimit, ndërsa në profilin e tij në Facebook janë shfaqur postime lavdëruese nga kryetari i Gjilanit, Alban Hyseni.
Leave a Reply