Sreqko Spasiq, kandidati për kryetar të Komunës së Kllokotit nga Nisma Qytetare “Uniteti Kombëtar Serb”, ka vendosur të bashkohet me Listën Serbe, partia kryesore e serbëve në Kosovë, e cila gëzon mbështetje nga Beogradi.
Spasiq, së bashku me anëtarët dhe këshilltarët e tij, ka deklaruar besimin e plotë te presidenti i Serbisë, Aleksandar Vuçiq, dhe synon të përqendrojë të gjitha burimet e nismës në mbështetje të Listës Serbe. Në raundin e balotazhit për zgjedhjet lokale, Spasiq do të përballet me kandidatin e Listës Serbe, Bozhidar Dejanoviq, sipas rezultateve paraprake.
Spasiq gjithashtu ka njoftuar se tërhiqet nga gara dhe nuk do të marrë pjesë në raundin e dytë të zgjedhjeve më 9 nëntor. Ai dhe ish-anëtarët e “Unitetit Kombëtar Serb”, tashmë pjesë e Listës Serbe, do të punojnë për fitoren e kësaj partie.
Radio Evropa e Lirë pret përgjigje nga Komisioni Qendror i Zgjedhjeve për konfirmimin e mbajtjes së balotazhit pas këtij ndryshimi.
Leave a Reply