Kërkohet rritje presioni ndërkombëtar për çështjen e të pagjeturve

Megjithëse kanë kaluar gati tre dekada nga përfundimi i luftës në Kosovë, rreth 1,600 shqiptarë ende figurojnë të zhdukur.

Serbia vazhdon të fshehë krimet e luftës, duke mos përmbushur marrëveshjen e Brukselit për zbardhjen e fatit të të pagjeturve. Organizatat që merren me këtë çështje kërkojnë presion më të madh ndërkombëtar ndaj Serbisë, duke theksuar se shumë nga të zhdukurit mund të jenë në varreza masive në Serbi.

Këshilli Koordinues për të Zhdukurit dhe Krimet e Luftës në Kosovë, përfaqësuar nga Ahmet Grajqevci, thekson rëndësinë e një presioni ndërkombëtar për zgjidhjen e çështjeve të zhdukurve, si rasti i vëllezërve Bytyqi. Ndërkohë, Bekim Blakaj nga Fondi për të Drejtën Humanitare sugjeron se Bashkimi Evropian duhet të shqyrtojë mundësinë e ndërmarrjes së sanksioneve ndaj palëve që zvarrisin procesin e zbardhjes së fatit të të zhdukurve.

Takimi themelues i Komisionit të Përbashkët për persona të zhdukur, i mbajtur kohët e fundit në Bruksel, është parë si një mundësi për të sfiduar refuzimet serbe dhe për të nxitur zbardhjen e së vërtetës.