Gjeneralmajor Özkan Ulutash, komandanti i misionit paqeruajtës të NATO-s në Kosovë (KFOR), priti përfaqësuesin e posaçëm të BE-së për Dialogun Beograd–Prishtinë, Peter Sorensen, në selinë e KFOR-it në Kampin “Film City” në Prishtinë.
Gjatë diskutimeve, Ulutash nënvizoi rëndësinë e bashkëpunimit të vazhdueshëm me EULEX-in dhe theksoi mbështetjen për dialogun e lehtësuar nga BE-ja, që synon normalizimin e marrëdhënieve mes Prishtinës dhe Beogradit. Gjeneralmajori theksoi se ky dialog mbetet kyç për sigurinë e qëndrueshme në Kosovë dhe për stabilitetin në rajon, duke i shërbyer interesave të të gjitha komuniteteve.
KFOR-i konfirmoi vazhdimin e përmbushjes së mandatit të tij nga Këshilli i Sigurimit i OKB-së, për të siguruar një mjedis të qetë dhe të sigurt për të gjithë qytetarët e Kosovës dhe për të garantuar lirinë e lëvizjes në mënyrë të paanshme dhe të vazhdueshme.
Leave a Reply