Ekipet e Bashkëpunimit Civilo-Ushtarak dhe Monitorimit Ndërlidhës të Komandës Rajonale Lindje të misionit KFOR, të drejtuar nga NATO, morën pjesë në një ceremoni ku i dorëzuan Departamentit të Zjarrfikësve të Prishtinës pajisje të reja zjarrfikëse.
Ky donacion synon të përmirësojë aftësitë e zjarrfikësve për të ndërhyrë shpejt dhe në mënyrë efektive në situata emergjente, duke rritur sigurinë e tyre gjatë operacioneve të rrezikshme dhe mbrojtur qytetarët e Kosovës. Në komunikatën zyrtare, u theksua se donacioni i KFOR-it përmirëson kapacitetet e zjarrfikësve për reagime më të shpejta dhe efektive, duke mbështetur sigurinë e tyre dhe mbrojtjen e banorëve në të gjithë Kosovën.
Aktivitetet e Bashkëpunimit Civilo-Ushtarak, që janë në përputhje me mandatin e KFOR-it, kanë për qëllim të përforcojnë mirëqenien e popullatës në Kosovë duke ndihmuar institucionet vendase.
Leave a Reply