Lëvizja Vetëvendosje dhe Partia e Re Demokratike kanë arritur një marrëveshje për bashkëpunim në raundin e dytë të zgjedhjeve në Prizren.
Artan Abrashi, kandidati i Lëvizjes Vetëvendosje për kryetar të Prizrenit, ka bërë të ditur se është arritur një mirëkuptim me partinë e drejtuar nga zëvendëskryeministrja në detyrë, Emilija Rexhepi. Abrashi ka theksuar se përmes kësaj marrëveshjeje, SZK-ja do të jetë pjesë e qeverisë lokale, duke vazhduar projektet e mëdha të përfshira në buxhetin e Kosovës.
Ai gjithashtu ka premtuar rikthimin e të drejtave dhe përfaqësimit të komunitetit boshnjak. Në rast të fitores, Abrashi synon të funksionalizojë Qendrën Kulturore Boshnjake.
Ai ka shprehur se bisedimet për Zëvendëskryetarin e Komunës për komunitete janë tregues i përkushtimit për një Prizren gjithëpërfshirës, me mundësi të barabarta për të gjithë qytetarët.
Leave a Reply