Në vetëm katër ditë do të mbahet seanca e Kuvendit ku do të votohet për Qeverinë e re të Kosovës.
Presidentja Vjosa Osmani ka caktuar Glauk Konjufcën si mandatar për postin e kryeministrit, por ende mbetet e paqartë nëse ai do të sigurojë votat e nevojshme për të marrë këtë detyrë. Ish-opozita, përfshirë PDK, LDK dhe AAK, kanë deklaruar se nuk do të mbështesin Konjufcën.
Analisti Avni Arifi komenton se propozimi i Vetëvendosjes për Konjufcën është bërë me vetëdijen se ai nuk do të marrë votat e nevojshme. Sipas tij, kjo lëvizje nuk është për krijimin e qeverisë, por për të theksuar qëndrimet e tyre politike.
Dorajet Imeri, njohës i politikës, parashikon se mundësitë për zgjedhje të jashtëzakonshme janë më të mëdha se sa formimi i një qeverie të re. Ai shton se pozicionet e partive politike nuk pritet të ndryshojnë, pavarësisht vullnetit të veçantë të deputetëve.
Në këtë situatë, ish-opozita ka shprehur gatishmëri për zgjedhje të reja, duke refuzuar të mbështesë edhe kandidatin e dytë të LVV-së.
Leave a Reply