Komandanti i KFOR-it, Ozkan Ulutash, ka ritheksuar përkushtimin e tij për të siguruar një mjedis të sigurt në Kosovë.
Këtë qëndrim ai e shprehu gjatë një takimi të zhvilluar të premten me Ambasadorët, Krerët e Misioneve dhe Përfaqësuesit e Lartë Kombëtarë nga 33 vende që kontribuojnë në misionin e NATO-s në Kosovë. Në takimin e tij të parë kolektiv me këta përfaqësues që nga marrja e komandës, Gjenerali Ulutash prezantoi gjendjen aktuale të sigurisë në Kosovë, si dhe aktivitetet dhe prioritetet e KFOR-it.
Ai theksoi rëndësinë e bashkëpunimit të vazhdueshëm me partnerët ndërkombëtarë dhe falënderoi vendet kontribuese për mbështetjen e tyre të pandërprerë. Deklaratat e tij nënvizuan angazhimin e KFOR-it për të siguruar një mjedis të qetë për të gjithë banorët e Kosovës, duke vlerësuar lartë rolin e vendeve kontribuese në këtë përpjekje të përbashkët.
Leave a Reply