Komuna e Leposaviqit ka nisur procesin e përzgjedhjes së kompanive për ndërtimin e fazës së parë të kompleksit të basenit olimpik.
Ky projekt i rëndësishëm do të realizohet përmes procedurës së negociuar, pa publikim të kontratës, dhe ka një buxhet të parashikuar prej 1,817,609 eurosh. Sipas informacioneve të publikuara në sistemin e prokurimit publik, procedura e zgjedhur nuk përfshin njoftimin e kontratës, duke e klasifikuar si punë ndërtimore.
Afati për dorëzimin e ofertave ishte më 4 dhjetor 2025, ndërsa njoftimi për kontratë u bë publik më 8 dhjetor të po atij viti. Ende nuk është bërë e ditur se cila kompani do të realizojë këtë projekt.
Përveç punëve ndërtimore, projekti përfshin edhe aktivitete inxhinierike, duke synuar të hapë rrugën për ndërtimin e këtij kompleksi sportiv në komunën e Leposaviqit.
Leave a Reply