Glauk Konjufca, ish-kryetari i Kuvendit të Kosovës dhe nënkryetar i Lëvizjes VETËVENDOSJE!, vizitoi sot komunën e Vitisë.
Në këtë vizitë, ai u prit nga Arsim Ademi dhe bashkëpunëtorë të tjerë të lëvizjes. Gjatë qëndrimit në Viti, Konjufca, së bashku me Ademin dhe Fahrush Rexhepin, vizituan fshatin Stubëll.
Ata zhvilluan takime me banorët lokalë dhe prezantuan elementet kryesore të programit të VETËVENDOSJE!-s, duke theksuar tema si zhvillimi ekonomik, siguria dhe përmirësimi i mirëqenies së qytetarëve. Në vijim, grupi u ndal në Pozheran, ku pati një takim me bashkatdhetarët nga diaspora.
Këta të fundit u vlerësuan për ndihmën e tyre të vazhdueshme për Kosovën. Përfaqësuesit e lëvizjes theksuan rëndësinë e komunikimit të drejtpërdrejtë me qytetarët dhe diasporën për të zhvilluar politika që sigurojnë stabilitet dhe prosperitet për vendin.
Leave a Reply