Një debat i ri ka shpërthyer në Maqedoninë e Veriut pas publikimit të një fotografie që tregon një libër gjeografie për klasën e shtatë, ku Kosova quhet “Metohi”.
Ky term, i përdorur historikisht nga Serbia me konotacion politik dhe fetar, ka shkaktuar shqetësime të mëdha. Analistja Nafie Selmani kritikoi ashpër subjektin politik “VLEN” dhe kryeministrin e Kosovës, Albin Kurti, duke theksuar se një emërtim i tillë nuk duhet të lejohet.
Ajo shpreh shqetësim për ndikimin e narrativave serbe në sistemin arsimor të Maqedonisë së Veriut dhe e cilëson këtë si një cenim të identitetit kombëtar shqiptar. Fotografia e librit është shpërndarë gjerësisht në rrjetet sociale, duke nxitur reagime të forta.
Selmani kërkoi tërheqjen e menjëhershme të librit nga qarkullimi, duke e quajtur situatën si skandaloze. Ky rast ka rindezur diskutimet mbi përfaqësimin e Kosovës në tekstet shkollore dhe ndikimin e politikës në arsim.
Leave a Reply