Kryenegociatori i Kosovës, Besnik Bislimi, ka njoftuar arritjen e një marrëveshjeje me Serbinë për funksionalizimin e komisionit të përbashkët për zbatimin e marrëveshjes për personat e zhdukur gjatë luftës.
Kjo marrëveshje u arrit pas bisedimeve të gjata të ndërmjetësuara nga Peter Sorensen në Bruksel. Pas përmbylljes së takimeve, Bislimi bëri të ditur se së shpejti do të organizohen takime mes delegacioneve të të dyja vendeve për të përcaktuar prioritetet e komisionit.
Këto zhvillime ndjekin vizitën e Sorensenit në Prishtinë dhe Beograd. Në 2023, kryeministri i Kosovës, Albin Kurti, dhe presidenti i Serbisë, Aleksandar Vuçiq, kishin rënë dakord për një deklaratë të përbashkët mbi çështjen e personave të zhdukur.
Megjithatë, zbatimi i saj ka hasur në pengesa për shkak të tensioneve të vazhdueshme dhe kërkesave të ndërsjellta mes dy vendeve. Ky dialog për normalizimin e marrëdhënieve është i pari për këtë vit dhe pritet të ndihmojë në zgjidhjen e çështjeve të hapura mes Kosovës dhe Serbisë.
Leave a Reply