Presidenti amerikan Donald Trump ka ngritur një Bord të Paqes për Gazën, ku përfshihen edhe përfaqësues nga Kosova dhe Shqipëria.
Ky bord, i krijuar si rezultat i armëpushimit mes Izraelit dhe Hamasit, synon të promovojë paqen dhe stabilitetin në rajon përmes dialogut dhe bashkëpunimit ndërkombëtar. Në këtë bord këshillues marrin pjesë liderë botërorë, por ai nuk ka autoritet ndërkombëtar si OKB-ja.
Nga ana tjetër, disa vende, përfshirë Francën dhe Britaninë e Madhe, kanë refuzuar të jenë pjesë e kësaj nisme. Presidenti francez Emmanuel Macron ka konfirmuar refuzimin, ndërsa kryeministri britanik Keir Starmer pritet gjithashtu të mos e pranojë ftesën.
Për Kosovën do të marrë pjesë presidentja Vjosa Osmani, ndërsa kryeministri Edi Rama do të përfaqësojë Shqipërinë. Trump pritet të shpallë zyrtarisht përbërjen e plotë të Bordit gjatë Forumit Ekonomik Botëror në Davos.
Ky bord do të fokusohet në çështje si ndërtimi i kapaciteteve qeverisëse dhe tërheqja e investimeve në Gaza.
Leave a Reply