Presidentja e Kosovës, Vjosa Osmani, ka shprehur mirënjohjen e thellë të vendit për kontributin e trupave të NATO-s, duke e cilësuar këtë si një simbol të unitetit dhe bashkëpunimit ndërkombëtar.
Në ceremoninë e kalimit të Komandës së KFOR-it, Osmani theksoi angazhimin e vazhdueshëm të Kosovës ndaj vlerave të lirisë, demokracisë dhe sigurisë kolektive. Ajo ritheksoi synimin e Kosovës për anëtarësim në NATO, duke nënvizuar rëndësinë e ruajtjes së partneritetit me aleatët për garantimin e paqes dhe stabilitetit në rajon.
Osmani theksoi se në kohë sfidash të reja për paqen, aleanca mbetet e fortë kur bashkëpunon me partnerë të përkushtuar. Në fjalën e saj, Presidentja Osmani theksoi se Kosova ka treguar qëndrueshmëri me reformat dhe angazhimin e popullit të saj, duke theksuar se partneriteti nuk mund të ofrohet atyre që ushtrojnë agresion ndaj fqinjëve.
Ajo përfundoi duke vlerësuar rëndësinë e qëndrimit të palëkundur ndaj kërcënimeve të së kaluarës.
Leave a Reply