Qeveria e Kosovës ka miratuar futjen e regjimit të vizave për shtetasit e Fixhit, si pjesë e përpjekjeve për të përafruar politikat e saj të emigracionit me ato të Bashkimit Evropian.
Ky vendim u mor gjatë mbledhjes së fundit të qeverisë, duke synuar një menaxhim më të mirë të fluksit të emigrantëve dhe ruajtjen e standardeve evropiane. Ministrja e Punëve të Jashtme, Donika Gërvalla, theksoi rëndësinë e këtij hapi, duke bërë të ditur se Kosova aktualisht mban marrëveshje të lëvizjes pa viza me 17 vende të cilat gjenden në listën e BE-së.
Ajo shtoi se Republika e Kosovës do të vijojë të harmonizojë plotësisht politikën e saj të vizave me BE-në, duke filluar nga viti 2025. Ky vendim reflekton përpjekjet e vazhdueshme të Kosovës për të siguruar një kontroll të rreptë të emigracionit, në përputhje me praktikat dhe standardet evropiane në këtë fushë.
Leave a Reply