Avokati Shkëlqim Jakupi ka theksuar rëndësinë e vendimit të Komisionit Qendror të Zgjedhjeve (KQZ) për rinumërimin e votave, duke mos përjashtuar mundësinë e rivotimeve në disa komuna në të ardhmen.
Jakupi ka vënë në dukje se shifrat e publikuara nga KQZ gjatë rinumërimit tregojnë ndryshime në numrin e votave, por nuk pasqyrojnë plotësisht masën e keqpërdorimeve që mund të kenë ndodhur. Në një intervistë, ai shpjegoi se legjislacioni kosovar e parashikon mundësinë e rivotimit, duke iu referuar rasteve të kaluara kur janë vërejtur ndryshime të mëdha mes vullnetit të qytetarëve dhe rezultateve të paraqitura.
Sipas Jakupit, vendimi për rivotim do të varet nga përfundimi i procesit të rinumërimit, i cili nuk ka afate të caktuara ligjore. KQZ ka vendosur për një rinumërim të plotë në 28 komuna, pas dallimeve të mëdha të konstatuara gjatë rinumërimit të pjesshëm.
Në Prizren, përfaqësuesit politikë në Komisionin Komunal Zgjedhor janë shkarkuar për shkak të diferencave të mëdha në votat për kandidatët për deputetë.
Leave a Reply