KQZ-ja zhvillon mbledhje sot; ja çështjet në axhendë

Komisioni Qendror Zgjedhor pritet të mbajë sot një mbledhje të rëndësishme, e cila do të nisë në orën 14:00.

Në këtë takim, një nga çështjet kryesore që do të diskutohet është shqyrtimi i qendrave të votimit jashtë Kosovës që kanë një numër të vogël votuesish. Mbledhja do të drejtohet nga z.

Kreshnik Radoniqi, kryesues i KQZ-së. Agjenda përfshin shqyrtimin dhe miratimin e procesverbaleve të mbledhjeve të mëparshme, si dhe disa aktivitete të Zyrës, si akreditimi i organizatave vëzhguese për zgjedhjet e parakohshme të vitit 2025.

Gjithashtu, do të diskutohet një vendim për të mos kërkuar dëshmi për personat mbi 75 vjeç që aplikojnë për votimin me nevoja të veçanta. Këshilli për Çështje Ligjore do të shqyrtojë kërkesat për zëvendësimin e anëtarëve të Kuvendit Komunal në Han të Elezit, ndërsa është parashikuar edhe plotësimi i planit për rekrutimin e stafit të përkohshëm për organizimin e zgjedhjeve të 28 dhjetorit 2025.