Komisioni Qendror i Zgjedhjeve është duke vijuar me numërimin e votave nga zgjedhjet e mbajtura më 28 dhjetor, me synimin për të shpallur rezultatet përfundimtare sa më shpejt që të jetë e mundur.
Këtë informacion e bëri publik zëdhënësi i KQZ-së, Valmir Elezi, gjatë një konference për media, raporton Klankosova. Elezi theksoi se procesi i numërimit të votave për kandidatët për deputetë po zhvillohet në disa komuna, përfshirë Prishtinën, Pejën, Prizrenin, Podujevën, Gjilanin dhe Ferizajn.
Ndërkohë, numri i shtetasve të regjistruar për të votuar me postë ka arritur në rreth 58 mijë. Megjithatë, procesi i tërheqjes së fletëvotimeve nga kutitë postare ende nuk është përfunduar, kështu që nuk është e qartë sa prej këtyre votuesve kanë realizuar të drejtën e tyre të votës.
KQZ është e angazhuar që rezultatet përfundimtare të shpallen në një kohë sa më të shkurtër për të garantuar transparencë dhe efikasitet.
Leave a Reply