Komisioni Qendror i Zgjedhjeve (KQZ) është në pritje të shpalljes së rezultateve përfundimtare të zgjedhjeve të parakohshme parlamentare të 28 dhjetorit, pas përfundimit të numërimit të votave.
Megjithatë, ky proces mund të vonohet për shkak të ankesave të mundshme që mund të paraqiten nga partitë politike në lidhje me administrimin e numërimit në Qendrën e Numërimit dhe Rezultateve (QNR). Sipas Valmir Elezit, zëdhënës i KQZ-së, palët kanë të drejtë të parashtrojnë ankesa në Panelin për Ankesa dhe Parashtresa (PZAP) brenda 48 orësh nga momenti i shkeljes së supozuar.
Aktualisht, PZAP po shqyrton një ankesë nga Partia Demokratike (PDK) lidhur me votat e diasporës. Ky institucion ka 72 orë kohë për të marrë vendim mbi ankesën.
Pas vendimeve të PZAP-së, palët mund të apelojnë në Gjykatën Supreme të Kosovës, e cila ka deri në pesë ditë për të dhënë një vendim përfundimtar. Rezultatet përfundimtare pritet të shpallen jo më vonë se 21 janari, duke hapur rrugë për shqyrtimin e ankesave të reja para certifikimit të tyre.
Leave a Reply