Albert Krasniqi nga Demokracia Plus ka kritikuar mbajtjen e një seance të jashtëzakonshme, e cila është planifikuar për nesër në ora 11:00, duke e cilësuar si të kundërligjshme dhe në kundërshtim me rendin kushtetues të vendit.
Sipas tij, kjo seancë është një veprim politik për të zhvendosur vëmendjen nga problemet reale. Krasniqi thekson se nëse çështjet e renditura do të trajtoheshin me seriozitet, bllokimi dhjetëmujor i vendit do të ishte shmangur.
Ai sugjeron se në vend të manovrave politike, duhet të ketë bisedime për krijimin e një qeverie teknike që do të nxjerrë vendin nga ngërçi dhe do të përgatitë zgjedhjet e ardhshme. Sipas tij, edhe Presidentja Osmani është përfshirë në këtë manovër, duke zhvendosur përgjegjësinë te të tjerët për pasojat financiare.
Krasniqi bën thirrje për kthim në legalitet dhe përgjegjësi institucionale, duke theksuar se çdo devijim tjetër do të thellonte krizën.
Leave a Reply