Alban Krasniqi, përfaqësues i Lëvizjes Vetëvendosje në Komisionin Qendror të Zgjedhjeve (KQZ), ka bërë të ditur se individët që kanë devijuar vullnetin e votuesve në Qendrat Komunale të Numërimit do të përballen me ligjin.
Në një postim në Facebook, Krasniqi ka theksuar se KQZ ka kapacitetet e nevojshme për të zbuluar shkeljet dhe përgjegjësit e tyre gjatë procesit zgjedhor. Ai ka vlerësuar punën e palodhur të stafit të Sekretariatit të KQZ-së dhe mbi 150 numëruesve që po punojnë nga ora 08:00 deri në mesnatë për rinumërimin e kutive të votimit në Qendrën e Numërimit dhe Rezultateve (QNR).
Krasniqi ka shprehur respekt për përkushtimin dhe profesionalizmin e treguar gjatë këtij procesi. Gjithashtu, ai ka falënderuar vëzhguesit e subjekteve politike për kontributin e tyre në garantimin e integritetit dhe transparencës së procesit zgjedhor, që po vazhdon pas vendimeve të KQZ-së.
Leave a Reply