Uk Lushi, ish-eprori i Ushtrisë Çlirimtare të Kosovës që jeton në ShBA, ka kritikuar kryeministrin në detyrë, Albin Kurti, për letrën e dërguar kryetares së Dhomave të Specializuara, Ekatarina Trendafilova.
Sipas Lushit, kjo letër është një farsë dhe veprim tallës. Në një postim në “Facebook”, Lushi thekson se një kryeministër duhet të ndërmarrë veprime konkrete në vend që të shkruajë letra.
Ai sugjeron se Kurti mund të kishte themeluar një trup apo komision legjislativ në Kuvend, të formonte një ekip ekspertësh të huaj për mbikëqyrjen e Dhomave të Specializuara, ose të angazhonte avokatë të nivelit të lartë me fonde nga buxheti shtetëror. Sipas tij, këto do të ishin veprime konkrete që do të tregonin se Specialja nuk duhet të jetë mbi shtetin.
Lushi e përshkruan letrën si një simbol të dështimit të ekzekutivit për të vepruar.
Leave a Reply