Kryeministri i Shqipërisë, Edi Rama, do të zhvillojë sot një takim me Kryetarin e Bashkisë së New York-ut, Eric Adams, në orën 12:00.
Pas përfundimit të takimit, të dy zyrtarët do të mbajnë një deklaratë të përbashkët për mediat, e cila do të mbahet në ambientet e jashtme të Kryeministrisë. Eric Adams mbërriti në Shqipëri më 7 tetor, i shoqëruar nga një delegacion amerikan.
Vizita e tij nisi në Vlorë, ku u ndal fillimisht në vilën qeveritare dhe më pas vizitoi zonën e Orikumit. Ky takim përbën një mundësi për forcimin e marrëdhënieve mes Shqipërisë dhe qytetit të New York-ut, duke theksuar rëndësinë e bashkëpunimit ndërkombëtar në fusha të ndryshme.
Leave a Reply