Kandidati për kryeministër nga Lëvizja Vetëvendosje, Albin Kurti, ka zhvilluar një vizitë në organizatën Handikos, ku është diskutuar për përmirësimin e kushteve për personat me nevoja të veçanta.
Në një postim në Facebook, Kurti theksoi rëndësinë e ndërmarrjes së masave për të garantuar jetesë dinjitoze për këtë komunitet. Gjatë mandatit të tij, ai ka kontribuar në punësimin e 422 asistentëve në shkolla dhe ka bërë investime prej 6.4 milionë euro për pajisje të destinuara për personat paraplegjik dhe tetraplegjik.
Kurti shprehu mirënjohje për pritjen e ngrohtë nga Handikos dhe theksoi se bashkëpunimi me ta është thelbësor për adresimin e sfidave kryesore që përballon kjo kategori. Ai gjithashtu përmendi miratimin e një rregulloreje të re që adreson nevojat dhe të drejtat e tyre.
Leave a Reply