Gjatë Forumit Ekonomik Botëror në Davos, Kryeministri i Kosovës, Albin Kurti, zhvilloi një takim me Kryeministrin e Luksemburgut, Luc Frieden.
Kurti shprehu falënderimet e tij për mbështetjen e vazhdueshme të Luksemburgut për Kosovën gjatë fazave të ndryshme të zhvillimit shtetëror. Në bisedë, u theksua përparimi demokratik dhe ekonomik i Kosovës, si dhe ambiciet e saj për t’u bashkuar me Bashkimin Evropian, Këshillin e Evropës dhe NATO-n.
Kurti vlerësoi ndihmën e Luksemburgut në këto procese integruese. Diskutimet përfshinë edhe forcimin e marrëdhënieve dypalëshe, duke përfshirë bashkëpunimin në fushën e arsimit dhe investimeve, si dhe zgjerimin e lidhjeve kulturore midis dy vendeve.
Leave a Reply