Kryeministri i Shqipërisë, Edi Rama, ka shprehur kritika të forta ndaj menaxhimit aktual të Radio Televizionit Publik Shqiptar (RTSH).
Gjatë një fjalimi në mbledhjen e Grupit Parlamentar të Partisë Socialiste, ai theksoi se RTSH nuk do të marrë më fonde nga buxheti i shtetit. Rama deklaroi se duhet të shqyrtohen të gjitha opsionet për të ardhmen e RTSH, duke përfshirë reformimin, privatizimin apo edhe mbylljen e saj.
Ai vuri në dukje se përpjekjet e deritanishme për të reformuar RTSH kanë dështuar, duke e quajtur këtë një “dështim të suksesshëm”. Sipas kryeministrit, RTSH nuk ka arritur të përmbushë pritshmëritë e publikut dhe se kanali nuk funksionon si televizion publik.
Ai shtoi se çdo mundësi, përfshirë partneritetet e ndryshme, duhet të merret në konsideratë për të ardhmen e institucionit. Ai përfundoi duke thënë se nuk do të përfshihet në përpjekjet për të rregulluar mediat.
Leave a Reply