Kryetari i Komunës së Dragashit, Bexhet Xheladini, ka bërë thirrje për mobilizim të qytetarëve për shkak të përmbytjeve të fundit.
Në një deklaratë të shpërndarë me fotografi nga terreni, Xheladini theksoi se prurjet e lumenjve dhe përroskave kanë kaluar kapacitetet e tyre natyrore, duke shkaktuar rrezik për përmbytje të mëtejshme. Sipas tij, ekipet emergjente të komunës janë duke vepruar dhe monitoruar situatën në vazhdimësi.
Përveç kësaj, disa kompani private janë në gatishmëri, megjithëse kapacitetet ekzistuese nuk janë të mjaftueshme për të përballuar emergjencën në tërësi. Xheladini ftoi qytetarët që, sipas mundësive, të kontribuojnë me pajisje dhe mjete të nevojshme për të ndihmuar në minimizimin e dëmeve dhe për të përmirësuar gjendjen aktuale.
Ky apel vjen pas rritjes së prurjeve të ujërave që kanë ndikuar në zonën e Dragashit, duke kërkuar veprim të shpejtë dhe të organizuar nga të gjithë.
Leave a Reply