Disa orë përpara ndeshjes mes Suedisë dhe Kosovës, tifozët e zjarrtë të Kombëtares së Kosovës, të njohur si Dardanët, kanë mbërritur në Suedi për të mbështetur ekipin e zemrës së tyre.
Gjatë qëndrimit të tyre në Göteborg, ata janë pritur nga kryetari i qytetit, Jonas Attenius, dhe nënkryetarja Blerta Hoti, me origjinë shqiptare, duke i falënderuar për mikpritjen që iu është bërë suedezëve në Prishtinë. Kryetari i tifozëve, Lulzim Berisha, ka shprehur mirënjohjen për vlerat e qytetarisë dhe kulturës sportive të treguara nga Dardanët.
Ai theksoi rëndësinë e mbajtjes së marrëdhënieve të mira dhe bashkëpunimit ndërmjet dy vendeve. Në fund, Berisha shprehu dhe emocionet e tij për rrugëtimin e suksesshëm të mërgatës shqiptare në Suedi.
Takimi do të fillojë në orën 20:45 dhe Dardanët shpresojnë që të mbështesin Kombëtaren drejt një fitoreje të rëndësishme. Ata kërkojnë vetëmohim dhe përkushtim nga lojtarët në këtë sfidë të rëndësishme.
Leave a Reply